Ari ngaran nifas getih nu kaluar
Tina parji istri saba'dana babar
Tapi memeh ngaliwat limalas poe
Mun geus liwat mah lain nifas hed bae
Saperti mun ba'da babar saat getih
Kalimalas poèna bijilan getih
Keur saatna ibadah teu meunang tinggal
Kaya puasa jeung solat ulah tinggal
Sabab eta suci dina antarana
Ngajuru jeung hed istri taya nifasna
Ari pang saeutikna zaman nifas
Sok sanajan sakecret ge eta nifas
Ari nu galibna istri zaman nifasna
Opat puluh poè sami jeung peutingna
Pang lobana zaman nifas ulah liwat
Gènap puluh poè najan henteu mapat
Lamun tina gènap puluh poè liwat
Istihadoh ngarana gètih panyawat
Karya: Pangeresa Akang Iyon Sofyan
Pst : Al-falah kebon kalapa
Seja ngamanfaatkeun anu tos dipasihkeun mugia aya kamanfaatan tur kabarokahan..Amiiin
No comments:
Post a Comment